Codsashada dib ula midoobista qoyska

Haddii magangalyo lagaa siiyo Denmark, aadna kala fogaateen qoyskaagii,waxaad codsan kartaa inaad dib ula midowdo qoyskaaga si qoyskaagu kuugu yimaadaan Denmark, ayada oo la raacayo shuruudo gaar ah.

Gudaha Denmark, UNHCR waxay saraakiisha qaranka ka caawisaa meelmarinta waajibaadkooda si waafaqsan xeerarka caalamiga ah iyo kuwa Yurub. UNHCR qayb kama ahan nidaamka dib u midoobista qoyska gudaha Denmark. Nidaamku marka Denmark la joogo waa mas’uuliyadda Hay’adda socdaalka Denmark ayada oo ka hoos shaqaynaysa Wasaaradda Socdaalka iyo Iskudhafka bulshada ee Denmark.

Sideen u codsan karaa dib ula midoobista qoyska?

Waxaad dib ula midoobista qoyska ka codsan kartaa barta onleenka ah ee saraakiisha socdaalka Denmark, kaasoo aad ku heli karto luuqadaha Ingiriisiga iyo Danish.

Maxay tahay sababta aan u codsanaayo dib ula midoobista qoyska?

Haddii aad doonayso inaad codsato dib ula midoobista qoyska ee caruurtaada ka yar da’da 18 sanno, waa inaad arinkaas samaysaa sida ugu dhakhsaha badan ugu danbayn 3 bilood kaddib marka magangalyadalagaa siiyo Denmark.

Haddii aad doonayso inaad codsato dib ula midoobista xubnaha kale ee qoyska, wax badan oo nidaamyadaan ku saabsan ka akhri barta onleenka eesaraakiisha socdaalka Denmark, oo aad ku helayso Ingiriisi iyo Danish.

Yaan la midoobi karaa?

Waa suurtagal in xaaskaaga, saaxiibka kula degen iyo caruurta ka yar da’da 18 sanno kula dagaan gudaha Denmark. Haddii codsiga dib ula midoobistaada qoyska la aqbalo, waxaad u baahan tahay inaad diyaariso aadna bixiso kharashka xubnaha qoysku ku imaanayaan Denmark. Qaar kamid ah ururada ama mashaariicda ayaa ku caawin kara, sida Miles4Migrants. Wixii macluumaad dheeraad ah ka hel websaytka Miles4Migrants.

Xaaladaha gaarka ah, xubnaha qoyska kale ee kugu dhow ee kugula noolaa dalkaaga si buuxdana kuugu tiirsan ayaa kuu imaan kara si ay kuula dagaan Denmark.

Racfaan ma ka qaadan karaa haddii codsigayga dib ula midoobista qoyska la iga diido?

Haddii codsigaaga dib ula midoobista qoyska ay diido Hay’adda Socdaalka Denmark, waxaad xaq u leedahay inaad racfaan usoo gudbiso Guddiga Racfaanka Qoxootiga Denmark.

Ogsoonow in racfaanka loo baahan yahay in lagu soo gudbiyo 8 todobaad gudahood kaddib marka ay kusoo gaarto waraaqda Hay’adda Socdaalka Denmark ee ku xusan yahay go’aanka codsigaaga ee ah dub ula midoobista qoyskaaga.

Ka akhri waxyaabo badan oo ku saabsan sida racfaan looga qaato go’aanka diidmada ah barta onleenka ah ee saraakiisha socdaalka Denmark, taasoo ku diyaarsan luuqadaha Ingiriisiga iyo Danish.

Halkaan ka heli karaa kaalmo ku saabsan hanaanka dib ula midoobista qoyska?

Haddii aad haysato ogolaansho degenaansho, oo ay kamid tahay magangalyo ama qodobo kale oo magangalyo ah, gudaha Denmark, waxaad xaq u yeelanaysaa kaalmo dhanka sharciga ah oo bilaash ah oo Qaranku ku siinayo. Si aad u hesho macluumaad dheeraad ah oo ku saabsan shuruudaha lagaaga baahan yahay si ada u codsato kaalmada dhanka sharciga ah ee bilaashka ah iyo qaabka loo codsado, fadlan bookho websaytka saraakiisha socdaalka ee Denmark.

Haddii aadan xaq u lahayn kaalmada sharci ee bilaashka ah ee Qaranku bixiyo, waxaan kugula talinaynaa inaad la xiriirto saaxiibadeena, Hay’adda Qoxootiga Denmark. Kooxdooda mutadawiciinta ah (Adeegyada Talo bixinta ee Bilaashka ah) ayaa awood u yeelan kara inay ku siiyaan kaalmo talo bixin oo bilaash ah ee kiiskaaga (macluumaad dheeraad ah oo ku saabsan shaqada Adeegyada Talo bixinta Mutadawiciinta ayaa si onleen ag lau heli karaa ayada oo ah Carabi, Ingiriisi, Farsi, Soomaali iyo Tigrinya). Halkaan hoose ayaad ka helaysaa sida aad ula xiriirayso:

Golaha Qoxootiga Denmark

<< Ku noqo bogga hore ee Caawinta Denmark
>> Dooro wadan kale bogga hore ee Caawinta