Legal

Eske ou ka sòti nan Aruba ak yon paspò ki ekspire?

Ou pa ka sòti nan Aruba ak yon paspò ki ekspire. Li enpòtan pou w sonje ke si ou deside vwayaje tounen nan peyi ou, sa ka gen kèk risk ki asosye ak demann azil ou a.

Mwen pa gen paspò mwen, yon lòt moun gen li e yo pa pral ba m li. Èske mwen ka ale lapolis?

Ideyalman, ou ta dwe ale lapolis pou fè yon rapò sou moun ki gen paspò ou a, men nou konprann risk ki asosye ak ale lapolis. Si ou deside pa ale lapolis, kontakte ACNUR oswa HIAS pou mande asistans, nou ta ka voye ou jwenn volontè kominotè atravè HIAS pou eseye jwenn yon altènatif enfòmèl pou rezoud konfli a.

Bebè mwen fèt nan Aruba, ki kote mwen ka enskri bébe mwen e ki pwosesis la?

Bebè a dwe anrejistre nan Biwo Enskripsyon Sivil Aruba (CENSO) nan lespas 5 jou ki swiv fèt la. Nenpòt deklarasyon ki fèt apre 5 jou dwe fèt nan Ministè Piblik la.

Pou enskri li, ou bezwen dokiman sa yo:

• Yon prèv idantite valab (papa oswa manman) e si ou marye, sètifika maryaj ou.
• Sètifika fèt ti moun nan ki soti nan lopital la.
• Yon kopi sètifika rekonesans si ti moun nan deja rekonesans anvan fèt li.
• Aktya maryaj, si ou gen li.

Yon timoun ki fèt nan Aruba pa pral jwenn nasyonalite Olandè, sòf si youn nan paran yo gen nasyonalite Olandè. Sonje byen, ka gen eksepsyon. Pou yon konsiltasyon plis konplè sou sijè sa a, tanpri kontakte liy dirèk nou an.

Guarda Nos Costa gen paspò mwen. Mwen pè pou m tounen pran paspò mwen. Kisa mwen ka fè pou mwen rekipere paspò mwen?

Kontakte ACNUR pou jwenn yon pi bon konsiltasyon. Pa telefòn, ou ka rele liy dirèk nou an +297-732-0006 soti mèkredi rive jedi de 9 am pou 12 pm oswa ou ka voye yon imel ba nou nan [email protected].